Premyer liqanın XXIII turunda, səfərdə “ Qəbələ” klubu ilə qolsuz bərabərliyə imza ataraq turun sensasiyasını gerçəkləşdirən “Xəzər Lənkəran” bu dəfə əzəli rəqibinə qalib gəldi. Azərbaycan Kubokunun ¼ final mərhələsinin ilk qarşılaşmasında evdə “Neftçi” ni qonaq edən gənclərdən qurulan komandamız 3-2 hesabı ilə qalib gələrək cavab qarşılaşmasında yarımfinal iddiasını qorudu. “Xəzər Lənkəran”ın yetirməsi,  16 yaşlı İbrahim Qədirzadənin  79 yaşlı klubunun qapısından qələbə topunu keçirməsi isə bütün “ Xəzər Lənkəran” ailəsini xüsusi sevindirdi.

Komandamız fasilə vermədən bu gün də daxil olmaqla məşqlərini Lənkərandakı bazasında davam etdirəcək. Heyətdə zədəli və cəzalı futbolçu yoxluğu məşqçilər korpusu üçün sevindirici məqamdır.  Martın 5-i, XXIV turda evdə AZALı qonaq edəcək “Xəzər Lənkəran”  4 gün sonra Azərbaycan kubokunun cavab qarşılaşmasında “Neftçi” ilə üz-üzə gələcək.