“Xəzər Lənkəran” sabah toplanır

Premyer liqanın XI turunda səfərdə minimal hesabla qalib gələn “ Xəzər Lənkəran” sabah toplanır. Komandamız “ Rəvan” üzərindəki  qələbədən sonra iki günlük istirahəti başa vurub Lənkəranda məşqlərinə start verəcək. Bu arada son matçda zədələnərək oyunu erkən tərk edən Adrian Skarlatakenin durumu bəlli olub. Təcrübəli futbolçumuz “ Sol ayağın diz nahiyəsi  arxa bağlarının qopması” ilkin diaqnozu ilə iki aylıq sıradan çıxıb. Belə də son həftə ərzində Orxan Əliyevdən sonra ikinci futbolçumuz əməliyyat olunacaq. Uzun müddətdir zədədən əziyyət çəkən Rasim Ramaldanovdan isə xoş xəbər var. Futbolçumuz sabahdan etibarən fərdi məşqlərə başlayacaq. Xatirladaq ki, “ Xəzər Lənkəran” növbəti tur çərçivəsində noyabrin 8-i  saat 16.00-da  Ağdamın “ Qarabağ” klubu ilə doğma meydanında qarşılaşacaq. 

Gamidov Studio
Müəllif hüquqları qorunur.
Saytda yerləşdirilmiş məlumatlardan istifadə zamanı istinad mütləqdir.
Məlumat internet səhifələrində istifadə edildikdə www.lankaranfc.com-a hiperkeçid qoyulmalıdır.