İlk yoxlama oyunu heç-heçə ilə başa çatdı

Qış təlim-məşq toplanışı çərçivəsində "Xəzər Lənkəran" ilk yoxlama görüşündə Türkiyənin "Tekirdağ" komandası ilə qarşılaşdı.

 

Artıq oyunun 9-cu dəqiqəsində komandamız hesabı açdı. Ağabala Ramazanov cərimə zərbəsindən vurduğu dəqiq qolla "Xəzər Lənkəran"ı hesabda önə çıxardı. İlk hissə bu hesabla bitdi. Fasilədə ağ-yaşılların heyəti demək olar ki, tam dəyişdi. Rəqib komanda isə öncə penaltidən hesabı bərabərləşdirdi, daha sonra isə hesabda irəli keçdi. Oyununda sonuna yaxın isə komandamızın lehinə penalti təyin olundu və kapitan Rahid Əmirquliyev hesabı bərabərləşdirdi - 2:2.

 

"Xəzər Lənkəran" oyuna bu start heyəti ilə çıxmışdı: Vyekoslav Tomiç; Tural Cəlilov, İlqar Ələkbərov, Elvin Mirzəyev, İlyas Səfərzadə; Alfred Sanko, Rahid Əmirquliyev (k), Elşən Rzazadə, Sadio Tounkara, Kazım Kazımlı; Ağabala Ramazanov.

 

İkinci hissəyə isə komandamız bu heyətlə çıxdı: Tərlan Qasımzadə; Elnur İsmailov, Ruslan Cəfərov,  Elvin Mirzəyev, Maqsum Qənbərli; İlqar Ələkbərov, Rahid Əmirquliyev, Elşən Rzazadə, Ağabala Ramazanov, Bəhruz Teymurov; Anar Babazadə.

 

Toplanış çərçivəsində növbəti oyun 14 yanvar tarixində Almaniyanın "Çemnitzer" klubuna qarşı keçiriləcək.

Gamidov Studio
Müəllif hüquqları qorunur.
Saytda yerləşdirilmiş məlumatlardan istifadə zamanı istinad mütləqdir.
Məlumat internet səhifələrində istifadə edildikdə www.lankaranfc.com-a hiperkeçid qoyulmalıdır.