”Xəzər Lənkəran” yeni futbolçunu öz sıralarına qatdı

 
“Xəzər Lənkəran” klubu bu gün yeni futbolçu ilə iki illik müqavilə imzalayıb. Bu, rumıniyalı yarımmüdafiəçi Adrian Сorc İordakedir.
29-yaşlı futbolçu öz karyerasını 15 yaşında ölkəsinin 3-cü divizionunda oynayan “Forestierul Stilpeni” klubunda başlayıb. Daha sonra o, “Dinamo” Buxarest (1999-2005) komandasının şərəfini qoruyub, Çempionlar Liqasında iştirak edib və bu klubda 2003, 2004 və 2005-ci illərdə Rumıniyanın ən yaxşı mərkəz müdafiəçisi titulunu qazanıb. “Dinamo”-dan Adrian İordake Rusiyanın “Şinnik” (Yaroslavl) (2005-2006) komandasına keçib. Maraqlıdır ki, onun transferinə Rusiya klubu 1 milyon avroya yaxın pul xərcləyib. Bu, o zaman üçün transferə çıxarılmış rumın futbolçuları arasında ən yüksək göstərici idi. Daha sonra futbolçu “Sinnik”-i tərk edərək vətəninə qayıdıb “FC Arges” (Piteşti) (2007) klubuna keçib. Həmin il futbolçu Kiprə yollanıb və orada əvvəlcə “ALKİ” (2007-2008), sonra isə “AEL” (Limasol) (2008-2009) klublarının formalarını geyib. Son ildə isə Adrian İordake Rumıniyanın “Rapid” komandasında oynayıb.
Adrian İordake subaydır, ingilis və qismən rus dillərində danışır.
 
 
Gamidov Studio
Müəllif hüquqları qorunur.
Saytda yerləşdirilmiş məlumatlardan istifadə zamanı istinad mütləqdir.
Məlumat internet səhifələrində istifadə edildikdə www.lankaranfc.com-a hiperkeçid qoyulmalıdır.