Vurğun Hüseynov “Xəzər Lənkəran”lı oldu

Bugün “Xəzər Lənkəran” milli komandamızın müdafiəçisi Vurğun Hüseynovla iki illik müqavilə imzalayıb.
 
Almaniyalı mütəxəssis Berti Foqtsun etimadını qazanaraq milli komandanın heyətinə daxil edilən 22 yaşlı futbolçu komandamıza azad agent statusu ilə keçib. Əvvəllər Tovuz “Turan”ının şərəfini qorumuş Vurğun son mövsümü “Qəbələ”nin heyətində keçirib və kifayət qədər inamlı təsir bağışlayıb. İddialı klubların diqqət mərkəzində olan müdafiəçi “Xəzər Lənkəran”ın ağ-yaşıl rənglərinə üstünlük verib.
 
Mütəxəssislərin fikrincə, komandamızın yeni futbolçusu ölkənin ən perspektivli müdafiəçilərindəndi. Qeyd edək ki, Vurğun müdafiənin mərkəzində olduğu kimi, sağ cinahında da oynamaq qabiliyyətinə malikdi.
Gamidov Studio
Müəllif hüquqları qorunur.
Saytda yerləşdirilmiş məlumatlardan istifadə zamanı istinad mütləqdir.
Məlumat internet səhifələrində istifadə edildikdə www.lankaranfc.com-a hiperkeçid qoyulmalıdır.